Tuesday 16 August 2011

కొత్త ఇళ్ళు కట్టుకుందాం

ఆమె ఒక మతం
అతడు ఒక మతం
కాలాతీత మతాతీతం అభిమతం
మధ్యన ద్వీపంలా సంతానం

మోహావరనంలా తప్పిపోయిన  శరీరం
జీవితంలోంచి తొంగిచూస్తుంది
జనాభాలెక్కల్లో తేలని మతాలమధ్యన
ఒక మతంగా జన్మెత్తాడు ఓ శరీరాన్ని పంచుకుని -

ఈ చిన్నారి ప్రశ్నలకు
హిందూ,ముస్లిం,సిక్కు గడుల 'సెన్సెస్ చార్టు'
జవాబులకోసం వెతుక్కుంటుంది
దొరకని జవాబులకోసం
చిన్నారి జీవితాంతం అన్వేషించాలా?
ముఖం చెక్కేసిన'బహామియన్' బుద్దుడిలా
మతముఖంలేని నా రక్తంలో రక్తం.....

ప్రేమికులారా!
మోహంలోనూ  మతాన్ని చూడండని ఇక ఉద్యమాలు లేవదీద్దాం
మతాల్నే ప్రేమించమని దేహాలతో మొరపెట్టుకుందాం
ముఖం వెనుక దాగిన చూపులకు
మతకచ్చడాలు బిగించమని మతపెద్దల్ని అడుగుదాం

దేహంకూడా ఒక మతమేనని చాటుదాం

మృత్యువులోంచి కూడా కళ్ళు తిప్పుతూ
ప్రశ్నించడం మానని మతం !

దంపతులారా!
మన ప్రేమలకు ఈ ఇళ్ళు చోటివ్వలేవు
మన ఇళ్ళు మనమే నిర్మించుకుందాం.

@.@
                                                                                     

3 comments: