వెలిసిన భ్రమలు

m.f.hussain painting

రంగులు వొలికిపోయాయి
చుట్టూ ఎటుచూసినా రంగులముద్దలు
ఏరుతున్న నాచుట్టూ గడ్డకట్టిన రంగులముద్దలు

అన్ని రంగుల్ని కలిపేసినా ఒకే రంగు
అన్ని భావనల్ని కలిపేసిన ఒకే అనుభూతి
చిట్లుతున్న అనుభూతి పొరలు
పిగులుతున్న దుక్కం
పగిలిన సీసాను నిమిరినప్పుడల్లా
సర్రున కోసేస్తూ గాయాల నృత్యం

అదురుతున్న పెదాలమధ్య
చెదురుతున్న విశ్వాసాల ఊపిరి.
*

                                                                         26 నవంబర్ 1999
                                              ఎంతెంత దూరం 'కవితా సంపుటి నుండి ...