Saturday 30 July 2011

చూపులు

కన్ను తడిగుండెల మడతల్ని
విప్పుతూ వుంటుంది 
ఆ రెప్పలకు 
బతుకుమూత మూయడమూ తెలుసు 

కన్రెప్పల దారాలతో 
ఒక్కొక్క గాయాన్ని కుట్టుకోవడమూ తెలుసు 
అంతరంగ యుద్దాల్లో 
నెత్తురోడిన జీరల్ని దాచుకోవడమూ తెలుసు 

నల్లటి అశాంతుల ఆవర్తనాల్ని 
శ్వేత బిందువులతో సమర్ధించడమూ తెలుసు 
1
చంక్రమనాలు చేసే బతుక్కి
చూపై, స్థిరమై, నిలిచే అభివ్యక్తి .
ఎదురు చూపుల్లోంచి ,బతుకు చూపుల్లోంచి 
బతుకంతా ఎదురుచూడ్డం అంటే 
ఒక జీవిత సాఫల్యం చేకూరినట్లు -

అలజడుల ఊపిరుల నడుమ 
కాలాన్ని కొలవడం ఒక యుద్దమే!
అశాంతి మాత్రమే చూపుల్లోంచి కరుగుతుంది ,
కాలాన్ని కదుపుతుంది 
ఎడారుల నిశ్శబ్దం 
ఎండుటాకుల పైనుంచి లేచిన చిరుశబ్దం
ఊపిరినుంచి ఎగిసిన నిట్టూర్పు-
                            అన్నీ చూపులే! 
అన్నట్టు, లోచూపు ఇప్పుడే వెలిగింది.
అన్నీ -చిత్రాలే ఇక !!!


+ + +

3 comments:

  1. dear,!
    ee poemnaaku yentho ishtam

    ReplyDelete
  2. excellent silalolitha ee poem nakoo ishtame...in fact last two lines always enchant me...love j

    ReplyDelete
  3. మంచి పోయెం మాడం...'.అశాన్తుల ఆవర్తనాల'దగ్గర నిశ్చలున్నైనాను.

    ReplyDelete